ఈ నాటి బాలలు

చాచా నెహౄ పుట్టిన రోజు

చిన్నారి బాలల పండుగ రోజు

పెద్దలందరూ ముందు కొచ్చారు

ఘన కీర్తులు వల్లించుకుంటూ

వున్నవాళ్ళు క్రాఫింగులు
లేనివాళ్ళు టోపీలు సర్దుకుంటూ

చిన్నారి పసి మనస్సులకు

చెప్పారు సుద్దులెన్నో

రేపటి పౌరులు మరి మీరేనన్నారు

భావిభారత పౌరులంటూ జే జే లు పల్కారు

సుద్దులన్నీ పొందికగా సర్దారు

తమ లేత మనసుఅరల్లో నేటి బాలలు

రేపటి పౌరులయ్యాక మరి వీరే

చెప్పాలిగా రేపటిబాలలకీ సుద్దులు